Mga Salmo 113:1 ΒΆ Dayegon ninyo si Jehova. Dayega, Oh kamong mga alagad ni Jehova, dayega ang ngalan sa Ginoo. 113:2 Dalayegon ang ngalan ni Jehova Sukad karon ngadto sa umalabut ug sa walay katapusan. 113:3 Gikan sa pagsubang sa adlaw ngadto sa pagsalop niini iya ni Jehova ang ngalan angayng daygon. 113:4 Si Jehova hataas ibabaw sa tanang mga nasud, Ug ang iyang himaya ibabaw sa kalangitan. 113:5 Kinsa ba ang sama kang Jehova nga atong Dios, Nga nagapuyo sa kahitas-an, 113:6 Nga nagpaubos sa iyang kaugalingon sa pagtan-aw sa mga butang nga anaa sa langit, ug sa yuta! 113:7 Gibangon niya ang mga kabus gikan sa abug, Ug gibayaw niya ang mga hangul gikan sa bungbong sa kinalibang; 113:8 Aron iyang ibutang siya uban sa mga principe, bisan uban sa mga principe sa iyang katawohan. 113:9 Iyang gihimo ang apuli nga babaye nga magbalantay sa balay, Ug ang inahan nga malipayon mga bata. Dayega ninyo si Jehova.