Mga Salmo 103:1 ΒΆ Dayegon mo si Jehova, Oh kalag ko; Ug ang tanan nga ania kanako, dayegon mo ang iyang balaan ngalan. 103:2 Dayegon mo si Jehova, Oh kalag ko, Ug ayaw hikalimti ang tanan niyang mga kaayohan. 103:3 Nga mao ang nagapasaylo sa tanan mong kasal-anan; nga nag-ayo sa tanan nimong mga sakit; 103:4 Nga mao ang nagabawi sa imong kinabuhi gikan sa pagkalaglag; nga nagpurongpurong kanimo mahigugmaong-kalulot ug malumong mga kaluoy; 103:5 Nga nagabusog sa imong baba sa maayong mga butang; aron ang imong pagkabatan-on nabag-o sama sa agila. 103:6 Si Jehova nagabuhat sa pagkamatarung ug sa justicia alang sa tanan nga anaa gidaugdaug. 103:7 Iyang gipahibalo ang iyang mga dalan ngadto kang Moises, Ang iyang mga buhat ngadto sa mga anak sa Israel. 103:8 Si Jehova maloloy-on ug puno sa gracia, mahinay sa kasuko, ug madagayaon sa iyang kaugalingon kaluoy. 103:9 Siya dili kanunay magabadlong, Ni magtipig sa iyang kasuko sa walay katapusan. 103:10 Siya wala magbuhat kanato sumala sa atong mga sala; ni gigantihan kami sumala sa atong mga kasal-anan. 103:11 Kay ingon nga ang langit hataas ibabaw sa yuta, sa ingon niana kadaku sa iyang mahigugmaong-kalolot ngadto sa kanila nga nahadlok kaniya. 103:12 Ingon sa pagkalayo sa silangan gikan sa kasadpan, Sa mao nga gilay-on iyang gikuha ang atong mga mga kalapasan gikan kanato. 103:13 Ingon nga ang usa ka amahan nalooy sa iyang mga anak, mao usab ang Ginoo nalooy kanila kahadloki siya. 103:14 Kay siya nahibalo sa atong kahimtang; siya nahinumdom nga kita abog. 103:15 Mahitungod sa tawo, ang iyang mga adlaw ingon sa balili: Ingon sa bulak sa kapatagan, mao man siya milambo. 103:16 Kay ang hangin molabay sa ibabaw niini, ug kini mahanaw; ug ang dapit niini dili na mahibalo niini. 103:17 Apan ang mahigugmaong-kalolot ni Jehova anaa sa ibabaw nila gikan sa walay katapusan ngadto sa walay katapusan nga nahadlok kaniya, ug sa iyang pagkamatarung ngadto sa mga anak sa mga anak; 103:18 Sa mga nanagbantay sa iyang tugon, Ug kanila nga nahinumdum kaniya mga sugo sa pagbuhat niini. 103:19 Si Jehova nag-andam sa iyang trono didto sa mga langit; ug ang iyang gingharian nagmando labaw sa tanan. 103:20 Dayegon ninyo si Jehova, kamong iyang mga manolonda, Nga labing gamhanan sa kusog, nga nagabuhat sa iya mga sugo, nagpatalinghug ngadto sa tingog sa iyang pulong. 103:21 Dayegon ninyo si Jehova, kamong tanan nga iyang mga panon; kamong mga alagad niya, nga nagabuhat sa iyaha kalipay. 103:22 Dayegon ninyo si Jehova, kamong tanan niyang mga buhat sa tanang mga dapit sa iyang gingharian: Dayegon ninyo siya GINOO, O kalag ko.