Mga Salmo 101:1 ΒΆ Magaawit ako mahitungod sa kalooy ug sa justicia: Kanimo, Oh Jehova, magaawit ako. 101:2 Magagawi ako sa akong kaugalingon nga maalamon sa dalan nga hingpit. O kanus-a ka moanhi kanako? Maglakaw ako sulod sa akong balay uban ang hingpit nga kasingkasing. 101:3 Dili ako magbutang ug dautang butang sa atubangan sa akong mga mata: Gidumtan ko ang buhat nila nga motipas; kini dili motapot kanako. 101:4 Ang kasingkasing nga masukihon magapahalayo gikan kanako: Dili ako makaila sa tawong dautan. 101:5 Bisan kinsa nga magabutang-butang sa iyang isigkatawo sa tago, pagaputlon ko siya; adunay taas nga tinan-awan ug mapahitas-on nga kasingkasing dili ako mag-antus. 101:6 Ang akong mga mata magatan-aw sa mga matinumanon sa yuta, aron sila makapuyo uban kanako: ang nagalakaw sa dalan nga hingpit, siya magaalagad kanako. 101:7 Siya nga nagabuhat ug limbong dili magapuyo sa sulod sa akong balay: siya nga nagasugilon ang mga bakak dili magalangan sa akong pagtan-aw. 101:8 Sa sayo ko laglagon ang tanang mga dautan sa yuta; aron akong putlon ang tanan mga daotan gikan sa siyudad sa Ginoo.