Mga Salmo 99:1 ¶ Si Jehova nagahari; pahadloka ang katawohan: nagalingkod siya sa taliwala sa mga kerubin; pabalhina ang yuta. 99:2 Si Jehova daku sa Sion; ug siya labaw sa tanang katawhan. 99:3 Ipapagdayeg kanila ang imong daku ug makalilisang nga ngalan; kay kini balaan. 99:4 Ang kusog sa hari nahigugma usab sa justicia; ikaw nagtukod ug kaangayan, ikaw nagabuhat ug justicia ug pagkamatarung diha kang Jacob. 99:5 Bayawa ninyo si Jehova nga atong Dios, Ug managsimba kamo diha sa tumbanan sa iyang mga tiil; kay siya balaan man. 99:6 Si Moises ug si Aaron sa taliwala sa iyang mga sacerdote, Ug si Samuel sa taliwala kanila nga nanagsangpit iyang pangalan; sila nanagsangpit kang Jehova, ug siya mitubag kanila. 99:7 ¶ Siya misulti kanila diha sa haligi nga panganod: Nanagbantay sila sa iyang mga pagpamatuod, ug ang ordinansa nga iyang gihatag kanila. 99:8 Ikaw mitubag kanila, Oh Jehova nga among Dios: Ikaw mao ang Dios nga nagpasaylo kanila, bisan ikaw nanimalus sa ilang mga buhat. 99:9 Bayawa ninyo si Jehova nga atong Dios, Ug managsimba kamo didto sa iyang bungtod nga balaan; alang sa Ginoo nga atong Ang Dios balaan.