Mga Salmo 97:1 ΒΆ Si Jehova nagahari; papaglipaya ang yuta; pabay-i ang kadaghanon sa mga pulo nalipay niini. 97:2 Ang mga panganod ug ang kangitngit maoy nanaglibut kaniya: Ang pagkamatarung ug ang justicia anaa ang puloy-anan sa iyang trono. 97:3 Ang kalayo nagauna kaniya, Ug nagasunog sa iyang mga kaaway nga nagalibut. 97:4 Ang iyang mga kilat mingdan-ag sa kalibutan: Ang yuta nakakita, ug mikurog. 97:5 Ang kabungtoran nangatunaw sama sa talo Sa presencia ni Jehova, sa presencia sa Ginoo sa tibuok yuta. 97:6 Ang mga langit nagapahayag sa iyang pagkamatarung, Ug ang tanang mga katawohan nakakita sa iyang himaya. 97:7 Maulawan silang tanan nga nanag-alagad sa mga linilok nga larawan, Nga nanagpangandak sa ilang kaugalingon sa mga diosdios: simbaha siya, kamong tanan nga mga dios. 97:8 Ang Sion nakadungog, ug nalipay; ug ang mga anak nga babaye sa Juda nanagkalipay tungod niini ang imong mga paghukom, Oh Jehova. 97:9 Kay ikaw, Oh Jehova, mao ang hataas uyamut ibabaw sa tibook nga yuta: Gibayaw ikaw sa kahitas-an tanang dios. 97:10 Kamo nga nahigugma kang Jehova, dumti ang dautan: Siya nagabantay sa mga kalag sa iyang mga balaan; siya nagaluwas kanila gikan sa kamot sa mga dautan. 97:11 Ang kahayag gipugas alang sa mga matarung, Ug ang kalipay alang sa mga matul-id sa kasingkasing. 97:12 Managkalipay kamo kang Jehova, kamong mga matarung; ug pagpasalamat sa handumanan sa iyang pagkabalaan.