Mga Salmo 95:1 ΒΆ Umari kamo, manag-awit kita kang Jehova: Managhugyaw kita sa kalipay alang kanimo bato sa atong kaluwasan. 95:2 Mangadto kita sa atubangan sa iyang presencia uban ang pagpasalamat, ug managkalipay kasaba ngadto kaniya uban sa mga salmo. 95:3 Kay si Jehova mao ang Dios nga daku, Ug Hari nga daku ibabaw sa tanang mga dios. 95:4 Sa iyang kamot anaa ang mga kahiladman sa yuta: Ang kusog sa kabungtoran iya man. 95:5 Iya ang dagat, ug siya ang nagbuhat niini: Ug ang iyang mga kamot nag-umol sa yuta nga mamala. 95:6 Umari kamo, simbahon ta ug yukboan ta: Mangluhod kita sa atubangan ni Jehova nga atong magbubuhat. 95:7 Kay siya mao ang atong Dios; ug kita mao ang katawohan sa iyang sibsibanan, ug mga carnero sa iyang kamot. Karong adlawa kon kamo makadungog sa iyang tingog, 95:8 Ayaw patig-aha ang inyong kasingkasing, ingon sa kasuko, ug ingon sa adlaw sa pagsulay sa kamingawan: 95:9 Sa diha nga ang inyong mga amahan nagtintal kanako, nagsulay kanako, ug nakakita sa akong buhat. 95:10 Kap-atan ka tuig ang gitas-on nga ako nagsubo uban niini nga kaliwatan, ug miingon: Kini mao ang a mga tawo nga masayop sa ilang kasingkasing, ug sila wala makaila sa akong mga dalan: 95:11 Ngadto kanila ako nanumpa sa akong kaligutgut nga sila dili makasulod sa akong kapahulayan.