Mga Salmo 93:1 ΒΆ Si Jehova nagahari, siya ginabistihan sa pagkahalangdon; gibistihan sa Ginoo kusog, nga iyang gibakus sa iyang kaugalingon: ang kalibutan mao usab gipalig-on, nga kini dili mabalhin. 93:2 Ang imong trono gitukod sa kakaraanan: Ikaw gikan sa walay katapusan. 93:3 Ang mga lunop mingkayab, Oh Jehova, ang mga baha mingpataas kanila tingog; ang mga baha mingpataas sa ilang mga balud. 93:4 Si Jehova sa kahitas-an labi pang gamhanan kay sa dinaguok sa daghang mga tubig, oo, kay sa ang makusog nga mga balud sa dagat. 93:5 Ang imong mga pagpamatuod kasaligan kaayo: Ang pagkabalaan nahimo nga imong balay, Oh Jehova, hangtod sa kahangturan.