Mga Salmo 82:1 ΒΆ Ang Dios nagatindog diha sa katilingban sa mga gamhanan; siya nagahukom sa taliwala sa mga dios. 82:2 Hangtud anus-a ba kamo magahukom nga dili matarung, Ug magadawat sa mga tawo sa mga dautan? Selah. 82:3 Panalipdi ang kabus ug ang mga ilo: Buhata ang justicia sa mga sinakit ug hangul. 82:4 Luwasa ang mga kabus ug hangul: Luwasa sila gikan sa kamot sa mga dautan. 82:5 Sila wala mahibalo, ni makasabut sila; sila nagalakaw sa kangitngit: ang tanan nga mga patukoranan sa yuta wala na. 82:6 Ako miingon: Kamo mga dios; ug kamong tanan mga anak sa Labing Halangdon. 82:7 Apan kamo mangamatay sama sa mga tawo, Ug mangapukan sama sa usa sa mga principe. 82:8 Tumindog ka, Oh Dios, hukmi ang yuta; Kay ikaw magapanunod sa tanang mga nasud.