Mga Salmo 75:1 ΒΆ Kanimo, Oh Dios, kami magahatag ug mga pasalamat, kanimo magahatag kami ug mga pasalamat; nga ang imong ngalan haduol sa imong mga katingalahang buhat ipahayag. 75:2 Sa diha nga dawaton ko ang katilingban magahukom ako sa matul-id gayud. 75:3 Ang yuta ug ang tanang mga pumoluyo niini natunaw: Akong gipas-an ang mga haligi niini. Selah. 75:4 Miingon ako sa mga buangbuang: Ayaw pagbuhat ug binuang; ug sa mga dautan: Ayaw ipataas ang sungay: 75:5 Ayaw pagpabayaw sa inyong sungay sa kahitas-an: Ayaw pagsulti uban sa usa ka magahi liog. 75:6 Kay ang pagtuboy dili gikan sa silangan, ni gikan sa kasadpan, ni gikan sa sa habagatan. 75:7 Apan ang Dios mao ang maghuhukom: Iyang gipaubos ang usa, ug gipatindog ang usa. 75:8 Kay sa kamot ni Jehova adunay usa ka copa, ug ang vino mapula; kini mao puno sa sagol; ug iyang gibubo gikan sa mao gihapon: apan ang mga duga niini, ang tanan nga mga dautan sa yuta magapuga kanila, ug magainum kanila. 75:9 Apan igapahayag ko sa walay katapusan; Magaawit ako ug mga pagdayeg sa Dios ni Jacob. 75:10 Pagaputlon ko usab ang tanang mga sungay sa mga dautan; apan ang mga sungay sa ang matarung pagabayawon.