Mga Salmo 65:1 ΒΆ Ang pagdayeg nagahulat kanimo, Oh Dios, sa Sion: Ug nganha kanimo ang panaad. gihimo. 65:2 Oh ikaw nga nagapamati sa pag-ampo, nganha kanimo ang tanan nga unod moduol. 65:3 Ang mga kasal-anan nakadaug batok kanako: Mahitungod sa among mga kalapasan, ikaw magabuhat niana hinloi sila. 65:4 Bulahan ang tawo nga imong pagapilion, ug pagapaduolon mo kanimo, aron siya makapuyo sa imong mga sawang: kami matagbaw sa kaayo sa imong balay, bisan sa imong balaan nga templo. 65:5 Sa mga butang nga makalilisang sa pagkamatarung ikaw motubag kanamo, Oh Dios sa among kaluwasan; nga mao ang pagsalig sa tanan nga mga kinatumyan sa yuta, ug sa sila nga atua sa halayo sa dagat: 65:6 Nga pinaagi sa iyang kusog nagpahamutang sa kabukiran; nga gibaksan sa gahum: 65:7 Nga nagapahilum sa dinaguok sa kadagatan, sa dinaguok sa ilang mga balud, ug sa mga kaguliyang sa katawhan. 65:8 Sila usab nga nanagpuyo sa mga kinatumyang bahin nangahadlok sa imong mga timaan. imong ginabuhat nga malipayon ang mga paggula sa kabuntagon ug sa kagabhion. 65:9 Imong ginadu-aw ang yuta, ug ginabisibisan mo kini: Imong gipadato kini sa hilabihan gayud ang suba sa Dios, nga napuno sa tubig: ikaw nagaandam kanila ug trigo, sa diha nga gitagaan mo kini sa ingon. 65:10 Gibisibisan mo sa madagayaon gayud ang mga tagaytay niini: Gipahamutang mo ang mga tudling niini. niini: gipahumok mo kini sa mga taligsik: Gipanalanginan mo ang pagtubo niini. 65:11 Imong gipurongpurongan ang tuig sa imong kaayo; ug ang imong mga alagianan nagapatulo ug katambok. 65:12 Sila nagapatulo sa ibabaw sa mga sibsibanan sa kamingawan, Ug sa mga bungtod paglipay sa tanang kiliran. 65:13 Ang mga sibsibanan ginabistihan sa mga panon; ang mga walog usab gitabonan uban sa mais; nanagsinggit sila sa kalipay, nanag-awit usab sila.