Mga Salmo 61:1 ΒΆ Pamatia ang akong pagtu-aw, Oh Dios; bantayi ang akong pag-ampo. 61:2 Gikan sa kinatumyan sa yuta magatu-aw ako kanimo, sa diha nga ang akong kasingkasing anaa pa nalumsan: dad-a ako ngadto sa bato nga mas taas pa kay kanako. 61:3 Kay ikaw nahimong usa ka tagoanan alang kanako, Ug usa ka malig-on nga torre gikan sa kaaway. 61:4 Sa imong tabernaculo magapuyo ako sa walay katapusan: Ako mosalig diha sa tagoanan sa imong mga pako. Selah. 61:5 Kay ikaw, Oh Dios, nagpatalinghug sa akong mga panaad: Ikaw naghatag kanako sa kabilin sa kadtong nahadlok sa imong ngalan. 61:6 Imong pahalugwayan ang kinabuhi sa hari, Ug ang iyang mga tuig ingon sa daghan nga mga kaliwatan. 61:7 Siya magapabilin sa atubangan sa Dios sa walay katapusan: Oh andama ang kalooy ug kamatuoran, nga mahimo tipigi siya. 61:8 Busa magaawit ako ug mga pagdayeg sa imong ngalan sa walay katapusan, Aron sa pagbuhat sa adlaw-adlaw akong mga panaad.