Mga Salmo 57:1 ΒΆ Malooy ka kanako, Oh Dios, malooy ka kanako: Kay ang akong kalag nagasalig sa kanimo: oo, sa landong sa imong mga pako modangup ako, hangtud niini malampasan na ang mga kalamidad. 57:2 Ako magatu-aw sa Dios nga Hataas Uyamut; ngadto sa Dios nga nagabuhat sa tanang mga butang alang sa kanako. 57:3 Siya magapadala gikan sa langit, ug magaluwas kanako gikan sa kaulawan niya nga molamoy kanako. Selah. Ang Dios magapadala sa iyang kalooy ug sa iya kamatuoran. 57:4 Ang akong kalag anaa sa taliwala sa mga leon; bisan ang mga anak nga lalake sa mga tawo, kansang mga ngipon mga bangkaw ug mga udyong, ug ilang dila usa ka hait nga espada. 57:5 Pagabayawon ka, Oh Dios, ibabaw sa mga langit; himoa nga ang imong himaya labaw sa tanan ang kalibutan. 57:6 Sila nanag-andam ug usa ka pukot alang sa akong mga lakang; ang akong kalag gipaubos: sila adunay nagkalot ug gahong sa akong atubangan, sa taliwala niana sila nangapukan ilang kaugalingon. Selah. 57:7 Ang akong kasingkasing lig-on na, Oh Dios, ang akong kasingkasing lig-on na: Magaawit ako ug magahatag pagdayeg. 57:8 Pagmata, akong himaya; Pagmata, salterio ug alpa: Ako sa akong kaugalingon magamata ug sayo. 57:9 Pagadayegon ko ikaw, Oh Ginoo, sa taliwala sa mga katawohan: Kanimo magaawit ako taliwala sa mga nasud. 57:10 Kay ang imong mahigugmaong-kalolot daku ngadto sa mga langit, ug ang imong kamatuoran ngadto sa mga panganod. 57:11 Pagabayawon ka, Oh Dios, sa ibabaw sa mga langit: Itugot nga ang imong himaya labaw sa tanan. ang kalibutan.