Mga Salmo 53:1 ΒΆ Ang buang miingon sa iyang kasingkasing: Walay Dios. Mga kurakot sila, ug nakabuhat ug dulumtanan nga kasal-anan: walay bisan kinsa nga nagabuhat ug maayo. 53:2 Ang Dios nagsud-ong gikan sa langit sa ibabaw sa mga anak sa mga tawo, sa pagtan-aw kon didto kong bisan kinsa nga nakasabut, nga nangita sa Dios. 53:3 Ang tagsatagsa kanila mitalikod: sila sa tingub nahimong mahugaw; didto walay bisan kinsa nga nagabuhat ug maayo, wala, walay usa. 53:4 Wala bay kahibalo ang mga mamumuhat sa kadautan? nga naglamoy sa akong katawhan sama kanila kaon ug tinapay: wala sila magsangpit sa Dios. 53:5 Didto sila sa dakung kahadlok, diin walay kahadlok, kay ang Dios nagpatibulaag ang mga bukog niya nga nagpahaluna batok kanimo: ikaw nagbutang kanila kaulaw, tungod kay ang Dios nagtamay kanila. 53:6 Oh nga ang kaluwasan sa Israel migula pa unta gikan sa Sion! Sa diha nga ang Dios nagdala pabalika ang pagkabinihag sa iyang katawohan, si Jacob magamaya, ug ang Israel magakalipay paglipay.