Mga Salmo 51:1 ΒΆ Malooy ka kanako, Oh Dios, sumala sa imong mahigugmaong-kalolot: sumala sa sa kadaghanon sa imong mga malomong kalooy palaa ang akong mga kalapasan. 51:2 Hugasi ako pag-ayo gikan sa akong kasal-anan, ug hinloi ako gikan sa akong sala. 51:3 Kay naila ko ang akong mga kalapasan; Ug ang akong sala ania sa kanunay sa akong atubangan. 51:4 Batok kanimo, kanimo lamang, nakasala ako, ug nakabuhat niining dautan sa imong mga mata. aron ikaw mamatarung sa diha nga ikaw mosulti, ug matin-aw sa diha nga ikaw maghukom. 51:5 Ania karon, ako giumol diha sa kadautan; ug sa sala gipanamkon ako sa akong inahan. 51:6 Ania karon, ikaw nagatinguha sa kamatuoran sa sulod nga mga bahin, ug sa tago nga bahin igatudlo mo kanako ang kaalam. 51:7 Ulayon mo ako sa hisopo, ug mamahinlo ako: Hugasi ako, ug mamahinlo ako. mas puti kay sa niyebe. 51:8 Padungga ako sa kalipay ug kasadya; nga ang mga bukog nga imong gibali mahimong magmaya. 51:9 Tagoa ang imong nawong gikan sa akong mga sala, ug palaa ang tanan ko nga mga kasal-anan. 51:10 Buhata kanako ang usa ka malinis nga kasingkasing, Oh Dios; ug bag-oha ang usa ka matarung nga espiritu sa sulod nako. 51:11 Ayaw ako isalikway gikan sa imong atubangan; ug ayaw pagkuhaa ang imong balaang espiritu gikan niini kanako. 51:12 Iuli kanako ang kalipay sa imong kaluwasan; ug sapnaya ako sa imong gawasnon espiritu. 51:13 Unya tudloan ko ang mga malapason sa imong mga dalan; ug ang mga makasasala makabig kanimo. 51:14 Luwasa ako gikan sa pagkasad-an sa dugo, Oh Dios, ikaw nga Dios sa akong kaluwasan; ang dila magaawit sa makusog sa imong pagkamatarung. 51:15 Oh Ginoo, ablihi ang akong mga ngabil; ug ang akong baba magamantala sa imong pagdayeg. 51:16 Kay ikaw dili mangandoy ug halad; sa laing paagi ihatag ko kini: ikaw nagakalipay dili sa halad-nga-sinunog. 51:17 Ang mga halad sa Dios mao ang usa ka masulub-on nga espiritu: usa ka nadugmok ug usa ka mahinulsulon kasingkasing, Oh Dios, dili mo pagatamayon. 51:18 Buhata ang maayo alang sa Sion sa imong maayong kabubut-on: Patindoga ang mga kuta sa Jerusalem. 51:19 Unya ikaw mahimuot sa mga halad sa pagkamatarung, uban sa halad-nga-sinunog ug tibook nga halad-nga-sinunog: unya managhalad sila ug mga lakeng vaca ibabaw sa imong halaran.