Mga Salmo 48:1 Daku si Jehova, ug takus nga pagadayegon sa hilabihan gayud sa ciudad sa atong Dios, sa ang bukid sa iyang pagkabalaan. 48:2 Matahum alang sa kahimtang, ang kalipay sa tibook nga yuta, mao ang bukid sa Sion, sa ang mga kiliran sa amihanan, ang siyudad sa dakong Hari. 48:3 Ang Dios nailhan sa iyang mga palacio nga usa ka dalangpanan. 48:4 Kay, ania karon, ang mga hari nanagkatigum, sila ming-agi sa tingub. 48:5 Sila nakakita niini, ug busa sila nanghibulong; sila nasamok, ug nanagdali. 48:6 Ang kahadlok midakup kanila didto, Ug ang kasakit, ingon sa usa ka babaye nga nagaanak. 48:7 Imong giguba ang mga sakayan sa Tarsis pinaagi sa hangin sa timogan. 48:8 Ingon sa among nadungog, mao usab ang among nakita sa ciudad ni Jehova sa mga panon, sa ang ciudad sa atong Dios: Ang Dios magapahamutang niini sa walay katapusan. Selah. 48:9 Kami naghunahuna sa imong mahigugmaong-kalolot, Oh Dios, sa taliwala sa imong templo. 48:10 Sumala sa imong ngalan, Oh Dios, mao man ang imong pagdayeg ngadto sa mga kinatumyan sa Ginoo yuta: ang imong tuong kamot napuno sa pagkamatarung. 48:11 Papaglipaya ang bukid sa Sion, papagmayaa ang mga anak nga babaye sa Juda, tungod sa imong mga hukom. 48:12 Lakaw kamo libut sa Sion, ug libuti ninyo siya: Isaysay ang mga torre niana. 48:13 Timan-i pag-ayo ang iyang mga salipdanan, palandunga ang iyang mga palacio; aron kamo makasulti niini sunod nga henerasyon. 48:14 Kay kini nga Dios mao ang atong Dios sa mga katuigan nga walay katapusan: Siya mao ang atong magmamando bisan hangtod sa kamatayon.