Mga Salmo 47:1 ΒΆ Oh pakpak ang inyong mga kamot, ngatanan kamong katawohan; singgit ngadto sa Dios uban sa tingog sa kadaugan. 47:2 Kay si Jehova nga Labing Halangdon maoy makalilisang; siya mao ang usa ka dakung Hari sa ibabaw sa tanan nga mga yuta. 47:3 Iyang gidaug ang mga katawohan sa ilalum nato, ug ang mga nasud sa ilalum sa atong mga tiil. 47:4 Pagapilion niya ang atong panulondon alang kanato, Ang kahalangdon ni Jacob nga iyang gipalabi gihigugma. Selah. 47:5 Ang Dios misaka uban ang usa ka pagsinggit, si Jehova uban sa tingog sa usa ka trompeta. 47:6 Pag-awit ug mga pagdayeg sa Dios, pag-awit ug mga pagdayeg: Pag-awit ug mga pagdayeg sa atong Hari, pag-awit mga pagdayeg. 47:7 Kay ang Dios mao ang Hari sa tibook nga yuta: Pag-awit kamo uban sa mga pagdayeg pagsabot. 47:8 Ang Dios nagahari sa ibabaw sa mga nasud: Ang Dios nagalingkod sa iyang trono pagkabalaan. 47:9 Ang mga principe sa mga katawohan nanagtigum, bisan pa ang katawohan sa Ginoo Dios ni Abraham: kay ang mga taming sa yuta iya sa Dios: siya mao gibayaw pag-ayo.