Mga Salmo 46:1 ΒΆ Ang Dios mao ang atong dalangpanan ug kusog, usa ka haduol nga katabang sa kalisdanan. 46:2 Busa dili kita mahadlok, bisan pa ang yuta mabalhin, ug bisan ang ang mga bukid pagadad-on ngadto sa taliwala sa dagat; 46:3 Bisan pa ang mga tubig niini magangulob ug mangalubog, bisan ang mga bukid uyog uban sa paghubag niini. Selah. 46:4 Adunay usa ka suba, ang mga sapa niini makapalipay sa ciudad sa Dios, ang balaang dapit sa mga tabernakulo sa Labing Halangdon. 46:5 Ang Dios anaa sa iyang taliwala; siya dili matarug: ang Dios magatabang kaniya, ug sa sayo pa. 46:6 Ang mga pagano naglungotlungot, ang mga gingharian giuyog: Iyang gibungat ang iyang tingog, ang yuta natunaw. 46:7 Si Jehova sa mga panon nagauban kanato; ang Dios ni Jacob mao ang atong dalangpanan. Selah. 46:8 Umari kamo, tan-awa ang mga buhat ni Jehova, Unsa ang mga kalaglagan nga iyang gibuhat diha sa yuta. 46:9 Siya nagapahunong sa mga gubat hangtud sa kinatumyan sa yuta; gibali niya ang pana, ug giputolputol ang bangkaw; iyang gisunog ang carro sa kalayo. 46:10 Humilum kamo, ug hibaloi nga ako mao ang Dios: Pagabayawon ako sa taliwala sa mga nasud, pagabayawon dinhi sa yuta. 46:11 Si Jehova sa mga panon nagauban kanato; ang Dios ni Jacob mao ang atong dalangpanan. Selah.