Mga Salmo 43:1 ΒΆ Hukmi ako, Oh Dios, ug labani ang akong katungod batok sa usa ka nasud nga dili diosnon: Oh luwasa ako gikan sa limbongan ug dili matarong nga tawo. 43:2 Kay ikaw mao ang Dios sa akong kusog: Ngano nga gisalikway mo ako? nganong nilakaw ko nagbangotan tungod sa pagdaogdaog sa kaaway? 43:3 Oh ipadala ang imong kahayag ug ang imong kamatuoran: Pamandoa sila kanako; pakuhaa sila kanako ngadto sa imong balaang bungtod, ug sa imong mga tabernakulo. 43:4 Unya moadto ako sa halaran sa Dios, ngadto sa Dios nga akong daku nga kalipay: oo, sa alpa magadayeg ako kanimo, Oh Dios nga akong Dios. 43:5 Ngano nga nagsubo ka, Oh kalag ko? ug nganong nasamok ka sa sulod kanako? paglaum sa Dios: kay magadayeg pa ako kaniya, nga mao ang akong kaayohan nawong, ug akong Dios.