Mga Salmo 31:1 ΒΆ Kanimo, Oh Jehova, midangup ako; ayaw ako itugot nga maulawan: luwasa ako sa imong pagkamatarong. 31:2 Ikiling kanako ang imong igdulungog; luwasa ako sa madali: mahimo ka nga akong malig-on nga bato, alang sa usa ka balay nga salipdanan sa pagluwas kanako. 31:3 Kay ikaw mao ang akong bato ug ang akong kuta; busa tungod sa imong ngalan tingga kanako, ug giyahi ako. 31:4 Kuhaa ako gikan sa pukot nga ilang giladlad sa tago alang kanako: kay ikaw mao man akong kusog. 31:5 Sa imong kamot itugyan ko ang akong espiritu: Gitubos mo ako, Oh Jehova nga Dios sa kamatuoran. 31:6 Gidumtan ko sila nga nanagtagad sa kakawangan nga malimbongon: Apan ako misalig kang Jehova. 31:7 Magakalipay ako ug magakalipay sa imong mahigugmaong-kalolot; kasamok; ikaw nakaila sa akong kalag diha sa mga kalisdanan; 31:8 Ug wala mo ako itugyan ngadto sa kamot sa kaaway: Gibutang mo ang akong mga tiil sa usa ka dako nga lawak. 31:9 Malooy ka kanako, Oh Jehova, kay ania ako sa kagul-anan: Ang akong mata naut-ut uban sa kasubo, oo, ang akong kalag ug ang akong tiyan. 31:10 Kay ang akong kinabuhi nahurot na sa kaguol, ug ang akong mga tuig sa pagpanghupaw: ang akong kusog napakyas tungod sa akong kadautan, ug ang akong mga bukog nangaut-ut. 31:11 Ako nahimong usa ka kaulawan sa taliwala sa tanan ko nga mga kaaway, apan ilabi na sa taliwala sa akong mga silingan, ug usa ka kahadlok sa akong mga kaila: sila nga nakakita kanako sa walay pagkalagiw gikan kanako. 31:12 Gikalimtan ako ingon sa usa ka patay nga wala sa hunahuna: Ako sama sa usa ka sudlanan nga nabuak. 31:13 Kay nadungog ko ang pagbutangbutang sa daghan: Ang kahadlok diha sa tanang kiliran: samtang sila nanagsabut sila sa tingub batok kanako, nanaglalang sila sa pagkuha sa akong kinabuhi. 31:14 Apan diha kanimo misalig ako, Oh Jehova: Ako miingon: Ikaw mao ang akong Dios. 31:15 Ang akong mga panahon anaa sa imong kamot: Luwasa ako gikan sa kamot sa akong mga kaaway, ug gikan sa mga nagalutos kanako. 31:16 Ipasidlak ang imong nawong sa ibabaw sa imong alagad: Luwasa ako tungod sa imong mahigugmaong-kalolot. 31:17 Ayaw ako itugot nga igakaulaw ako, Oh Jehova; kay ako nagtawag kanimo: pasagdi ang maulawan ang mga dautan, ug pahilumon sila didto sa lubnganan. 31:18 Pahilumon ang mga ngabil nga bakakon; nga nagasulti ug mga butang nga mabug-at mapahitas-on ug matamayon batok sa matarung. 31:19 Oh pagkadaku sa imong kaayo, Nga gitagana mo alang kanila nga nangahadlok kanimo; nga imong gibuhat alang kanila nga nagasalig kanimo sa atubangan sa Ginoo mga anak sa tawo! 31:20 Pagatagoan mo sila sa tinago sa imong presencia gikan sa garbo ni Jehova tawo: tipigan mo sila sa tago sa usa ka pavilion gikan sa panag-away ni mga dila. 31:21 Dalayegon si Jehova; kay gipakita niya kanako ang iyang katingalahang kalooy sa usa ka lig-on nga siyudad. 31:22 Kay miingon ako sa akong pagdali: Giputol ako gikan sa atubangan sa imong mga mata. bisan pa niana ikaw nakadungog sa tingog sa akong mga pangamuyo sa diha nga ako mitu-aw kanimo. 31:23 Oh higugmaa si Jehova, kamong tanan nga iyang mga balaan: Kay si Jehova nanalipod kaniya matinumanon, ug nagabalos sa madagayaon gayud sa mapahitas-on nga magbubuhat. 31:24 Magmaisugon kamo, ug siya magapalig-on sa inyong kasingkasing, kamong tanan nga nagalaum sa GINOO.