Mga Salmo 30:1 ΒΆ Pagadayegon ko ikaw, Oh Jehova; kay ikaw nagbayaw kanako, ug wala magbuhat ang akong mga kaaway sa paglipay kanako. 30:2 Oh Jehova nga akong Dios, Kanimo nagtu-aw ako, ug ikaw nag-ayo kanako. 30:3 Oh Jehova, imong gibayaw ang akong kalag gikan sa Sheol: Gibantayan mo ako buhi, aron dili ako manaug sa gahong. 30:4 Pag-awit ngadto sa Ginoo, Oh kamong iyang mga santos, ug hatagi ang mga pasalamat ngadto sa paghandom sa iyang pagkabalaan. 30:5 Kay ang iyang kasuko molungtad sa makadiyut; sa iyang pabor mao ang kinabuhi: ang paghilak mahimo pagpabilin sa usa ka gabii, apan ang kalipay moabut sa kabuntagon. 30:6 Ug sa akong kauswagan miingon ako: Dili gayud ako matarug. 30:7 Oh Jehova, tungod sa imong kalooy gipatindog mo ang akong bukid nga malig-on: ikaw gitagoan mo ang imong nawong, ug naguol ako. 30:8 Kanimo nagtu-aw ako, Oh Jehova; ug ngadto kang Jehova nagpakilooy ako. 30:9 Unsa may kapuslanan sa akong dugo, sa diha nga manaug ako sa gahong? Ang abog nagdayeg kanimo? ipahayag ba niini ang imong kamatuoran? 30:10 Patalinghugi, Oh Jehova, ug malooy ka kanako: Oh Jehova, mahimo ka nga akong magtatabang. 30:11 Ang akong pagbalata gibayloan mo ug sayaw: Imong gisalikway ang akong pagbalata sako, ug gibaksan ako sa kalipay; 30:12 Sa tuyo nga ang akong himaya magaawit ug pagdayeg kanimo, ug dili magpakahilum. O Oh Jehova nga akong Dios, magahatag ako ug mga pasalamat kanimo sa walay katapusan.