Mga Salmo 19:1 ¶ Ang mga langit nagapahayag sa himaya sa Dios; ug ang hawan nagapakita sa iya buhat sa kamot. 19:2 Ang adlaw ngadto sa adlaw nagapamulong, Ug ang gabii ngadto sa gabii nagapahayag ug kahibalo. 19:3 Walay sinultihan ni pinulongan, diin ang ilang tingog dili madungog. 19:4 Ang ilang latid migula sa tibook nga yuta, Ug ang ilang mga pulong hangtud sa katapusan sa kalibutan. Diha kanila siya nagbutang ug usa ka tabernakulo alang sa adlaw, 19:5 Nga ingon sa usa ka pamanhonon nga migula sa iyang lawak, ug nagakalipay ingon sa usa ka kusgan nga tawo nga modagan sa usa ka lumba. 19:6 Gikan sa kinatumyan sa langit ang iyang paggikan, Ug ang iyang paglibut ngadto sa mga tumoy niini: ug walay bisan unsa nga natago gikan sa kainit niini. 19:7 Ang Kasugoan ni Jehova hingpit, nga nagakabig sa kalag: Ang pagpamatuod sa si Jehova matinumanon, nga nagahimo nga manggialamon sa mga walay-pagtagad. 19:8 Ang kabalaoran ni Jehova mga matarung, nga nagalipay sa kasingkasing: ang sugo ni Jehova putli, nga nagapadan-ag sa mga mata. 19:9 Ang kahadlok kang Jehova malinis, nga nagapadayon sa walay katapusan: Ang mga tulomanon sa Ginoo Ang GINOO matuod kag matarong sing bug-os. 19:10 Sila labi pang tinguhaon kay sa bulawan, oo, kay sa daghang bulawan nga fino: mas matam-is kay sa dugos ug sa udlan. 19:11 Labut pa pinaagi kanila ang imong alagad gipasidan-an, ug sa pagbantay kanila adunay dako nga ganti. 19:12 Kinsa ang makasabut sa iyang mga kasaypanan? hinloi ako sa tinago nga mga sayup. 19:13 ¶ Pugngi usab ang imong alagad gikan sa mga sala sa pagpalabilabi; pasagdi sila nga wala kamandoan sa ibabaw nako: unya ako matul-id, ug ako walay sala gikan ang dakong kalapasan. 19:14 Itugot nga ang mga pulong sa akong baba, ug ang pagpalandong sa akong kasingkasing, madawat sa imong mata, Oh Jehova, akong kusog, ug akong manunubos.