Mga Salmo 10:1 ΒΆ Ngano nga nagatindog ka sa halayo, Oh Jehova? nganong nagtago ka sa imong kaugalingon sa mga panahon sa kasamok? 10:2 Ang dautan sa iyang garbo nagalutos sa mga kabus: Pasagdi sila nga dakpon ang mga himan nga ilang gihunahuna. 10:3 Kay ang dautan nagapasigarbo sa tinguha sa iyang kasingkasing, ug nagapanalangin kaniya hakog, nga gidumtan ni Jehova. 10:4 Ang dautan, tungod sa garbo sa iyang nawong, dili mangita Dios: Ang Dios wala sa tanan niyang mga hunahuna. 10:5 Ang iyang mga dalan sa kanunay malisud; ang imong mga tulomanon labaw sa tanan gikan kaniya panan-aw: mahatungod sa tanan niyang mga kaaway, iyang gipaburot sila. 10:6 Siya miingon sa iyang kasingkasing: Ako dili matarug, kay ako dili gayud makasulod kalisdanan. 10:7 Ang iyang baba napuno sa panunglo, ug limbong ug paglimbong: Sa ilalum sa iyang dila anaa kadautan ug kakawangan. 10:8 Siya nagalingkod sa mga dapit nga tagoanan sa mga balangay, Sa tinago nga mga dapit mopatay ba siya sa inocente: Ang iyang mga mata sa tago gipunting batok sa mga kabus. 10:9 Siya nagabanhig sa tago ingon sa usa ka leon sa iyang lungib; dakpa ang kabus: iyang dakpon ang kabus, sa diha nga siya magaguyod kaniya ngadto sa iya pukot. 10:10 Siya miyukbo, ug nagpaubos sa iyang kaugalingon, Aron ang kabus mahulog pinaagi sa iyang kusgan mga. 10:11 Siya miingon sa iyang kasingkasing: Ang Dios nahikalimot na: Gitagoan niya ang iyang nawong; siya dili gayud kini makita. 10:12 Tumindog ka, Oh Jehova; Oh Dios, ibayaw ang imong kamot: Ayaw hikalimti ang mga mapaubsanon. 10:13 Ngano man nga ang dautan nagatamay sa Dios? siya miingon sa iyang kasingkasing: Ikaw dili magkinahanglan niini. 10:14 Ikaw nakakita niini; kay ikaw nagatan-aw sa kadautan ug pagdumot, aron sa pagbalus niini sa imong kamot: Ang kabus nagatugyan sa iyang kaugalingon kanimo; ikaw ang katabang sa mga ilo. 10:15 Dugmoka ang bukton sa dautan ug sa dautang tawo: pangitaa ang iya pagkadautan hangtud nga ikaw walay hikaplagan. 10:16 Si Jehova mao ang Hari sa mga katuigan nga walay katapusan: Ang mga nasud nangalaglag gikan sa iyang kaugalingon yuta. 10:17 Oh Jehova, ikaw nagpatalinghug sa tinguha sa maaghup: Ikaw magaandam kanila kasingkasing, igapabati mo sa imong igdulungog: 10:18 Sa paghukom sa mga ilo ug sa mga dinaugdaug, aron ang tawo sa yuta makahimo dili na manglupig.