Mga Salmo 3:1 ΒΆ Ginoo, naunsa nga midaghan sila nga nanagsamok kanako! daghan sila nga nanindog batok kanako. 3:2 Daghan ang nagaingon mahitungod sa akong kalag: Walay tabang alang kaniya diha sa Dios. Selah. 3:3 Apan ikaw, Oh Jehova, mao ang taming alang kanako; akong himaya, ug ang nagbayaw sa akong ulo. 3:4 Sa akong tingog nagtu-aw ako kang Jehova, Ug gipatalinghugan niya ako gikan sa iyang pagkabalaan bungtod. Selah. 3:5 Mihigda ako ug natulog; ako nahigmata; kay si Jehova nagsapnay kanako. 3:6 Ako dili mahadlok sa napulo ka libo sa mga tawo, nga nagpahimutang sa ilang kaugalingon batok kanako sa palibut. 3:7 Tumindog ka, Oh Jehova; luwasa ako, Oh Dios ko: kay gihampak mo ang tanan ko nga mga kaaway sa bukog sa aping; gidugmok mo ang mga ngipon sa dili diosnon. 3:8 Iya ni Jehova ang kaluwasan: Ang imong panalangin anaa sa ibabaw sa imong katawohan. Selah.