Mga Salmo 2:1 ΒΆ Ngano nga ang mga nasud nangasuko, ug ang mga katawohan nanaghunahuna ug usa ka butang nga kawang? 2:2 Ang mga hari sa yuta nanagpahaluna sa ilang kaugalingon, Ug ang mga punoan nanagsabutsabut sa tingub, batok kang Jehova, ug batok sa iyang dinihog, nga nagaingon, 2:3 Pagabugtoon nato ang ilang mga gapus, Ug isalikway nato ang ilang mga pisi gikan kanato. 2:4 Siya nga nagalingkod sa langit magakatawa: Si Jehova magabaton kanila pagbiaybiay. 2:5 Unya siya magasulti kanila sa iyang kasuko, Ug magasamok kanila sa iyang kasakit kasuko. 2:6 Bisan pa niana gibutang ko ang akong hari ibabaw sa akong bungtod nga balaan sa Sion. 2:7 Igapahayag ko ang sugo: si Jehova nag-ingon kanako: Ikaw mao ang akong Anak; niining adlawa ako nanganak kanimo. 2:8 Pangayo kanako, ug igahatag ko kanimo ang mga nasud ingon nga imong panulondon, ug ang mga kinatumyan sa yuta aron imong mapanag-iya. 2:9 Pagadugmokon mo sila sa baras nga puthaw; dugmukon mo sila sama sa sudlanan sa magkukulon. 2:10 Busa karon, Oh kamong mga hari, magmaalamon kamo; yuta. 2:11 Alagaron si Jehova uban ang kahadlok, ug paglipay uban ang pagkurog. 2:12 Hala ninyo ang Anak, aron dili siya masuko, ug mangawala kamo sa dalan, sa diha nga ang iyang ang kaligutgut mosilaub apan sa makadiyut. Bulahan silang tanan nga nagbutang sa ilang pagsalig diha kaniya.