Mga Numero 12:1 ΒΆ Ug si Miriam ug si Aaron nanagsulti batok kang Moises tungod sa babaye nga Etiopiahanon nga iyang gipangasawa: kay siya nangasawa ug usa ka Etiopiahanon nga babaye. 12:2 Ug sila ming-ingon: Sa pagkatinuod si Jehova nakigsulti lamang kang Moises? wala ba siya gisulti usab namo? Ug nadungog kini ni Jehova. 12:3 (Karon ang tawo nga si Moises maaghup kaayo, labaw sa tanan nga mga tawo nga diha sa ibabaw sa nawong sa yuta.) 12:4 Ug si Jehova misulti sa hinanali kang Moises, ug kang Aaron, ug kang Miriam, Panggula kamo nga tulo ngadto sa balong-balong nga pagatiguman. Ug sila nanggawas ang tulo. 12:5 Ug si Jehova mikunsad sa haligi nga panganod, ug mitindog sa pultahan sa tabernaculo, ug gitawag niya si Aaron ug si Miriam: ug ming-abut silang duruha unahan. 12:6 Ug siya miingon: Pamatia karon ang akong mga pulong: Kong adunay usa ka manalagna sa taliwala ninyo, ako, si Jehova Si Jehova magapakilala sa akong kaugalingon kaniya sa usa ka panan-awon, ug makigsulti kaniya kaniya sa usa ka damgo. 12:7 Ang akong alagad nga si Moises dili ingon niana, nga matinumanon sa tibook ko nga balay. 12:8 Uban kaniya makigsulti ako sa baba ug baba, bisan sa dayag, ug dili sa kangitngit mga pakigpulong; ug ang dagway ni Jehova iyang makita: busa busa wala ba kamo mahadlok sa pagsulti batok sa akong alagad nga si Moises? 12:9 Ug ang kaligutgut ni Jehova misilaub batok kanila; ug siya milakaw. 12:10 Ug ang panganod mipahawa gikan sa tabernaculo; ug, tan-awa, si Miriam nahimong sanlahon, maputi sama sa nieve: ug si Aaron mitan-aw kang Miriam, ug, tan-awa, siya sanlahon. 12:11 Ug si Aaron miingon kang Moises: Alaut, ginoo ko, nangaliyupo ako kanimo, ayaw ibutang ang sala kanamo, diin kami nagbuhat sa kabuang, ug diin kami nakasala. 12:12 Ayaw siya itugot nga maingon sa usa nga patay, kang kinsa ang katunga mahurot sa iyang unod sa diha nga siya nahurot na migula sa sabakan sa iyang inahan. 12:13 Ug si Moises mitu-aw kang Jehova, nga nagaingon: Ayoha siya karon, Oh Dios, nangaliyupo ako kanimo. kanimo. 12:14 Ug si Jehova miingon kang Moises: Kong ang iyang amahan nagluwa pa lamang sa iyang nawong, dili ba siya angay nga maulaw sulod sa pito ka adlaw? papahawaa siya sa kampo pito ka adlaw, ug human niana ipadawat siya pag-usab. 12:15 Ug si Miriam gipapahawa sa gawas sa campo sulod sa pito ka adlaw, ug ang katawohan wala mopanaw hangtud nga si Miriam gipasulod pag-usab. 12:16 Ug unya ang katawohan mingpanaw gikan sa Haseroth, ug mingpahaluna didto kamingawan sa Paran.