Levitico 12:1 ΒΆ Ug si Jehova misulti kang Moises, nga nagaingon: 12:2 Isulti sa mga anak sa Israel, sa pag-ingon: Kong ang usa ka babaye manamkon sa binhi, ug matawo ug usa ka bata nga lalake: unya mamahugaw siya sulod sa pito ka adlaw; maingon sa mga adlaw sa pagkabinulag tungod sa iyang sakit mahugaw. 12:3 Ug sa ikawalo ka adlaw pagcircuncidahan ang unod sa iyang yamis. 12:4 Ug siya magapadayon sa dugo sa iyang pagpaputli sa totolo ug katloan ka adlaw; siya dili makahikap sa butang nga balaan, ni makasulod sa santwaryo, hangtod matuman ang mga adlaw sa iyang pagputli. 12:5 Apan kong siya magaanak ug babaye, nan mamahugaw siya sulod sa duruha ka semana, ingon sa diha ang iyang pagkabinulag: ug siya magpadayon sa dugo sa iyang pagkaputli kan-uman ug unom ka adlaw. 12:6 Ug sa diha nga ang mga adlaw sa iyang pagputli matuman, alang sa usa ka anak nga lalake, o alang sa a anak nga babaye, magadala siya ug usa ka nating carnero nga usa ka tuig ang kagulangon alang sa halad-nga-sinunog, ug usa ka kuyabog nga salampati, kun usa ka tukmo, alang sa usa ka halad-tungod-sa-sala, ngadto sa pultahan sa tabernaculo sa katilingban, ngadto sa sacerdote: 12:7 Nga magahalad niini sa atubangan ni Jehova, ug magabuhat ug pagtabon-sa-sala alang kaniya; ug mahinlo siya gikan sa pagpangagas sa iyang dugo. Kini ang balaod alang sa siya nga nanganak ug lalaki o babaye. 12:8 Ug kong siya dili makahimo sa pagdala ug usa ka nating carnero, nan magadala siya ug duruha mga pawikan, o duha ka kuyabog nga salampati; ang usa alang sa halad-nga-sinunog, ug ang ang usa alang sa halad-tungod-sa-sala: ug ang sacerdote magabuhat ug pagtabon-sa-sala alang niini kaniya, ug mamahinlo siya.