Job 37:1 ΒΆ Niini usab ang akong kasingkasing mikurog, Ug nabalhin gikan sa iyang dapit. 37:2 Patalinghugi pag-ayo ang lanog sa iyang tingog, ug ang dinahunog nga nagagula iyang baba. 37:3 Siya nagamando niini sa ilalum sa tibook nga langit, Ug ang iyang kilat ngadto sa mga kinatumyan sa yuta. 37:4 Sa tapus niini usa ka tingog modahunog: Siya nagapadalugdug sa iyang tingog kahalangdon; ug siya dili mopugong kanila sa diha nga ang iyang tingog madungog. 37:5 Ang Dios nagapadalugdug sa iyang tingog sa dakung kahibulongan; dagkung mga butang ang iyang ginabuhat, nga dili nato masabtan. 37:6 Kay siya nagaingon sa nieve: Mangadto ka sa yuta; ingon man sa gagmay ulan, ug sa dakung ulan sa iyang kusog. 37:7 Iyang gitakpan ang kamot sa tagsatagsa ka tawo; aron ang tanang tawo mahibalo sa iyang buhat. 37:8 Unya ang mga mananap mangadto sa mga lungib, ug magapabilin sa ilang mga dapit. 37:9 Gikan sa habagatan migula ang alimpulos, ug ang katugnaw gikan sa amihanan. 37:10 Pinaagi sa gininhawa sa Dios gihatag ang katugnaw: Ug ang gilapdon sa mga tubig higpit. 37:11 Ingon man usab pinaagi sa pagbisibis iyang gipaluya ang mabaga nga panganod: Iyang gisabwag ang iyang kahayag panganod: 37:12 Ug kini giliso pinaagi sa iyang mga tambag, aron sila makahimo bisan unsa nga iyang isugo kanila sa ibabaw sa kalibutan dinhi sa yuta. 37:13 Iyang gipaabut kini, bisan alang sa pagsaway, kun alang sa iyang yuta, kun alang sa kaluoy. 37:14 Patalinghugi kini, Oh Job: Tumindog ka, ug palandunga ang mga katingalahang buhat sa Ginoo. 37:15 Nasayud ba ikaw sa diha nga ang Dios nagmando kanila, Ug sa paghimo sa kahayag sa iyang panganod? sa pagsidlak? 37:16 Nahibalo ka ba sa mga pagtimbang-timbang sa mga panganod, Ang mga katingalahang buhat niya? nga maoy hingpit sa kahibalo? 37:17 Naunsa nga ang imong mga saput mainiton, Sa diha nga gipahilum niya ang yuta pinaagi sa hangin nga habagat? 37:18 Ikaw ba uban kaniya nagbuklad sa langit, nga kusgan, ug ingon sa tinunaw? tan-awon nga bildo? 37:19 Tudloi kami kong unsa ang among igasulti kaniya; kay dili namo mahan-ay ang among sinultihan rason sa kangitngit. 37:20 Ipahibalo ba kaniya nga ako mosulti? kon ang usa ka tawo mosulti, sa pagkatinuod siya mao gilamoy. 37:21 Ug karon ang mga tawo dili makakita sa masanag nga kahayag nga anaa sa mga panganod, kondili ang ang hangin molabay, ug mohinlo kanila. 37:22 Gikan sa amihanan mogula ang maayong panahon: Sa Dios anaa ang makalilisang nga pagkahalangdon. 37:23 Mahitungod sa Makagagahum, dili nato siya hikaplagan: Siya labing daku sa gahum, ug sa paghukom, ug sa kadagaya sa justicia: siya dili magsakit. 37:24 Busa ang mga tawo nangahadlok kaniya: Siya wala magtagad kang bisan kinsa nga manggialamon sa kasingkasing.