Job 29:1 ΒΆ Labut pa si Job mipadayon sa iyang sambingay, ug miingon: 29:2 Oh nga maingon pa unta ako sa nangaging mga bulan, Maingon sa mga adlaw nga gibantayan ako sa Dios; 29:3 Sa diha nga ang iyang lamparahan misidlak sa ibabaw sa akong ulo, Ug sa diha nga pinaagi sa iyang kahayag ako naglakaw pinaagi sa kangitngit; 29:4 Ingon nga ako kaniadto sa mga adlaw sa akong pagkabatan-on, Sa diha nga ang tinago sa Dios diha sa ibabaw nako tabernakulo; 29:5 Sa diha nga ang Makagagahum uban pa kanako, Sa diha nga ang akong mga anak ania pa kanako; 29:6 Sa dihang gihugasan ko ang akong mga lakang sa mantekilya, Ug ang bato nagbubo kanako ug mga suba sa lana; 29:7 Sa diha nga migula ako ngadto sa ganghaan agi sa ciudad, Sa diha nga giandam ko ang akong lingkoranan sa sulod ang dalan! 29:8 Ang mga batan-ong lalake nakakita kanako, ug nanagtago sa ilang kaugalingon, ug ang mga tigulang nanindog ug nanagtindog pataas. 29:9 Ang mga principe nanagpugong sa pagsulti, Ug gitapion ang ilang kamot sa ilang baba. 29:10 Ang mga halangdon nanaghilum, Ug ang ilang mga dila nanapot sa atop sa ilang baba. 29:11 Sa diha nga ang igdulungog nakadungog kanako, unya kana kanako nanalangin; ug sa diha nga ang mata nakakita kanako, kini nagpamatuod kanako: 29:12 Kay akong giluwas ang kabus nga nagatu-aw, ug ang ilo, ug siya nga walay makatabang kaniya. 29:13 Ang panalangin kaniya nga haduol sa kamatayon midangat kanako, ug akong gipahinabo ang kasingkasing sa balo sa pag-awit sa kalipay. 29:14 Gisul-ob ko ang pagkamatarung, ug kini mibisti kanako: Ang akong paghukom maingon sa usa ka kupo ug usa ka diadema. 29:15 Ako nahimong mga mata sa mga buta, ug mga tiil ako sa mga bakol. 29:16 Ako nahimong amahan sa mga kabus: Ug ang katungod nga wala nako hibaloi akong gipangita gawas. 29:17 Ug gibunggo ko ang mga apapangig sa dautan, Ug giibut ko ang inagaw gikan sa iyang ngipon. 29:18 Unya miingon ako: Sa akong salag mamatay ako, ug pagapadaghanon ko ang akong mga adlaw ingon sa balas. 29:19 Ang akong gamut mikaylap sa katubigan, Ug ang yamog milukop sa tibook nga gabii sa ibabaw nako sanga. 29:20 Ang akong himaya nabag-o dinhi kanako, Ug ang akong pana nabag-o sa akong kamot. 29:21 Kanako ang mga tawo nanagpatalinghug, ug nanaghulat, Ug nanaghilum sa akong tambag. 29:22 Human sa akong mga pulong sila wala na mosulti pag-usab; ug ang akong sinultihan nahulog sa ibabaw nila. 29:23 Ug sila naghulat kanako sama sa ulan; ug gibuka nila pag-ayo ang ilang baba mahitungod sa ulahing ulan. 29:24 Kong gikataw-an ko sila, sila wala motoo niini; ug ang kahayag sa akong wala nila ipaubos ang nawong. 29:25 Ako mipili sa ilang dalan, ug milingkod nga pangulo, ug mipuyo ingon sa usa ka hari sa kasundalohan, ingon sa usa nga nagalipay sa mga nanagbalata.