Mga maghuhukom 13:1 ΒΆ Ug ang mga anak sa Israel nanagbuhat pag-usab niadtong dautan sa mga mata ni Jehova; ug si Jehova nagtugyan kanila ngadto sa kamot sa mga Filistehanon sulod sa kap-atan ka tuig. 13:2 Ug dihay usa ka tawo sa Zora, sa banay sa mga Danhanon, kansang ngalan mao si Manoa; ug ang iyang asawa apuli, ug wala manganak. 13:3 Ug ang manolonda ni Jehova nagpakita sa babaye, ug miingon kaniya: Ania karon, ikaw apuli, ug wala manganak: apan ikaw manamkon, ug manganak ug usa ka anak nga lalaki. 13:4 Busa karon magbantay ka, ako nangaliyupo kanimo, ug ayaw pag-inum ug vino ni maisug nga ilimnon; ug ayaw pagkaon ug bisan unsa nga mahugaw: 13:5 Kay, ania karon, ikaw manamkon, ug manganak ug usa ka anak nga lalake; ug walay navaja nga modapat iyang ulo: kay ang bata mahimong usa ka Nazareo ngadto sa Dios gikan sa tagoangkan: ug siya magsugod sa pagluwas sa Israel gikan sa kamot sa mga Filistehanon. 13:6 Unya ang babaye miadto ug nagsugilon sa iyang bana, nga nagaingon: Usa ka tawo sa Dios mianhi kanako, ug ang iyang panagway sama sa dagway sa usa ka anghel sa Dios, makalilisang kaayo: apan wala ako mangutana kaniya kong diin siya gikan, ni magtug-an siya kanako sa iya ngalan: 13:7 Apan siya miingon kanako: Ania karon, ikaw manamkon, ug manganak ug usa ka anak nga lalake; ug karon ayaw pag-inum ug vino ni maisug nga ilimnon, ni pagkaon sa bisan unsa nga mahugaw: kay ang bata mahimong usa ka Nazareo ngadto sa Dios gikan sa tagoangkan hangtud sa adlaw sa iyang kamatayon. 13:8 Unya si Manoa nagpakilooy kang Jehova, ug miingon: Oh Ginoo ko, tugoti ang tawo sa Dios nga imong gipadala mianhi kanamo pag-usab, ug tudloi kami sa among pagabuhaton ngadto sa bata nga matawo. 13:9 Ug ang Dios nagpatalinghug sa tingog ni Manoa; ug ang manolonda sa Dios miabut pag-usab ngadto sa babaye sa naglingkod siya sa kapatagan: apan si Manoa nga iyang bana mao dili sa iya. 13:10 Ug ang babaye midali, ug midalagan, ug nagpakita sa iyang bana, ug miingon ngadto kaniya, Tan-awa, ang tawo mipakita kanako, nga mianhi kanako sa usa adlaw. 13:11 Ug si Manoa mitindog, ug misunod sa iyang asawa, ug miadto sa tawo, ug miingon kaniya, Ikaw ba ang lalaki nga nakigsulti sa babaye? Ug siya miingon, Ako am. 13:12 Ug si Manoa miingon: Karon himoa nga matuman ang imong mga pulong. Unsaon namo pag-order sa bata, ug unsaon nato pagbuhat kaniya? 13:13 Ug ang manolonda ni Jehova miingon kang Manoa: Sa tanan nga akong giingon kanimo babaye pasagdi siya nga magbantay. 13:14 Siya dili makakaon sa bisan unsa nga gikan sa parras, ni tugoti siya uminum ug bino o maisug nga ilimnon, ni mokaon ug bisan unsa nga mahugaw nga butang: ang tanan nga ako misugo kaniya tugoti siya sa pagbantay. 13:15 Ug si Manoa miingon sa manolonda ni Jehova: Ako nagahangyo kanimo, tugoti kami sa paghawid kanimo, hangtud nga kami makaandam ug usa ka nating kanding alang kanimo. 13:16 Ug ang manolonda ni Jehova miingon kang Manoa: Bisan imo akong hawiran, ako dili magakaon sa imong tinapay: ug kong ikaw magahalad ug usa ka halad-nga-sinunog, ikaw kinahanglan ihalad kini kang Yahweh. Kay si Manoa wala makaila nga siya usa ka manolonda ang Ginoo. 13:17 Ug si Manoa miingon sa manolonda ni Jehova: Kinsa ang imong ngalan, nga kanus-a matuman ang imong mga pulong aron kami makapasidungog kanimo? 13:18 Ug ang manolonda ni Jehova miingon kaniya: Ngano nga nangutana ka sa ingon sa akong? ngalan, nakita nga kini sekreto? 13:19 Busa si Manoa mikuha ug usa ka nating kanding uban sa halad-nga-kalan-on, ug gihalad kini sa ibabaw sa usa ka bato ngadto kang Jehova: ug ang manolonda nagbuhat ug katingalahan; ug si Manoa ug ang iyang asawa mitan-aw sa. 13:20 Kay nahitabo, sa diha nga ang siga mikayab ngadto sa langit gikan sa ibabaw sa halaran, nga ang manolonda ni Jehova mikayab diha sa siga sa halaran. Ug si Manoa ug ang iyang asawa mitan-aw niini, ug minghapa sa atubangan sa yuta. 13:21 Apan ang manolonda ni Jehova wala na magpakita kang Manoa ug sa iyang asawa. Unya si Manoa nahibalo nga siya mao ang manolonda ni Jehova. 13:22 Ug si Manoa miingon sa iyang asawa: Kita mangamatay gayud, tungod kay kita nakakita Dios. 13:23 Apan ang iyang asawa miingon kaniya: Kong si Jehova nahimuot sa pagpatay kanato, siya dili unta makadawat ug halad-nga-sinunog ug halad-nga-kalan-on sa among mga kamot, dili unta niya ipakita kanamo kining tanang mga butanga, ni ipakita niya kanamo ang tanan niining panahona nagsulti kanamo sa mga butang nga sama niini. 13:24 Ug ang babaye nanganak ug usa ka anak nga lalake, ug gihinganlan ang iyang ngalan Samson, ug ang bata mitubo, ug gipanalanginan siya ni Jehova. 13:25 Ug ang Espiritu ni Jehova misugod sa paglihok kaniya usahay didto sa campo ni Dan taliwala sa Zora ug Eshtaol.