Isaias 15:1 ΒΆ Ang palas-anon sa Moab. Kay sa kagabhion ang Ar sa Moab gilaglag, ug gidala sa kahilom; tungod kay sa gabii ang Kir sa Moab gilaglag, ug gidala sa kahilom; 15:2 Siya mitungas ngadto sa Bajith, ug ngadto sa Dibon, ang mga hatag-as nga dapit, aron sa pagbakho: Moab. magaminatay tungod sa Nebo, ug tungod sa Medeba: sa ibabaw sa tanan nilang mga ulo anha pagkaupaw, ug ang tanang bungot giputol. 15:3 Sa ilang kadalanan managbakus sila ug sako: sa mga atop sa ilang mga balay, ug sa ilang kadalanan, ang tagsatagsa managminatay, nga maghilak sa madagayaon. 15:4 Ug ang Hesbon nagatu-aw, ug ang Eleale: ang ilang tingog nadungog bisan hangtud Jahaz: busa ang mga sundalo nga sangkap sa hinagiban sa Moab misinggit; iyang kinabuhi mahimong malisud alang kaniya. 15:5 Ang akong kasingkasing nagatu-aw mahatungod sa Moab; ang iyang mga kagiw mokalagiw ngadto sa Zoar, an ang dumalaga nga vaca nga totolo ka tuig: kay sa pagsaka sa Luhith uban ang paghilak mosaka ba sila niini; kay sa dalan sa Horonaim sila mopatindog a singgit sa kalaglagan. 15:6 Kay ang mga tubig sa Nimrim mahimong biniyaan; kay ang uhot nalaya sa halayo, ang balili malaya, walay lunhaw nga butang. 15:7 Busa ang kadagaya nga ilang naangkon, ug ang ilang gitipigan pataas, ilang dad-on ngadto sa sapa sa mga tangbo. 15:8 Kay ang pagtu-aw moabut libut sa mga utlanan sa Moab; ang pag-uwang niini ngadto sa Eglaim, ug ang pagminatay niini ngadto sa Beerelim. 15:9 Kay ang mga tubig sa Dimon mapuno sa dugo; sa Dimon, ang mga leon batok kaniya nga nakaikyas sa Moab, ug batok sa salin sa yuta.