Genesis 5:1 ΒΆ Kini mao ang basahon sa mga kaliwatan ni Adam. Sa adlaw nga gibuhat sa Dios tawo, sa dagway sa Dios gibuhat niya siya; 5:2 Lalake ug babaye iyang gibuhat sila; ug gipanalanginan sila, ug gitawag ang ilang ngalan Adan, sa adlaw nga sila gibuhat. 5:3 Ug si Adam nakadangat ug usa ka gatus ug katloan ka tuig, ug nanganak ug usa ka anak nga lalake sa iyang kaugalingon pagkasama, sumala sa iyang dagway; ug gitawag ang iyang ngalan si Seth: 5:4 Ug ang mga adlaw ni Adam, sa human siya manganak kang Seth, walo ka gatus tuig: ug nanganak siya ug mga anak nga lalake ug mga anak nga babaye: 5:5 Ug ang tanan nga mga adlaw sa kinabuhi ni Adam siyam ka gatus ug katloan ka tuig: ug namatay siya. 5:6 Ug si Seth nakadangat ug usa ka gatus ug lima ka tuig, ug nanganak kang Enos. 5:7 Ug si Seth sa human siya manganak kang Enos, nakadangat ug walo ka gatus ug pito ka tuig; nanganak ug mga anak nga lalake ug mga anak nga babaye: 5:8 Ug ang tanan nga mga adlaw ni Seth siyam ka gatus ug napulo ug duha ka tuig: ug siya namatay. 5:9 Ug si Enos nakadangat ug kasiyaman ka tuig, ug nanganak kang Cainan. 5:10 Ug si Enos sa human siya manganak kang Cainan, nakadangat ug walo ka gatus ug napulo ug lima ka tuig. ug nanganak ug mga anak nga lalake ug mga anak nga babaye: 5:11 Ug ang tanan nga mga adlaw ni Enos siyam ka gatus ug lima ka tuig, ug namatay siya. 5:12 Ug si Cainan nakadangat ug kapitoan ka tuig, ug nanganak kang Mahalaleel. 5:13 Ug si Cainan sa human siya manganak kang Mahalaleel, nakadangat ug walo ka gatus ug kap-atan tuig, ug nanganak ug mga anak nga lalake ug mga anak nga babaye: 5:14 Ug ang tanan nga mga adlaw ni Cainan siyam ka gatus ug napulo ka tuig, ug namatay siya. 5:15 Ug si Mahalaleel nakadangat ug kan-uman ug lima ka tuig, ug nanganak kang Jared. 5:16 Ug si Mahalaleel sa human siya manganak kang Jared, nakadangat ug walo ka gatus ug katloan tuig, ug nanganak ug mga anak nga lalake ug mga anak nga babaye: 5:17 Ug ang tanan nga mga adlaw ni Mahalaleel walo ka gatus kasiyaman ug lima ka tuig. ug siya namatay. 5:18 Ug si Jared nakadangat ug usa ka gatus kan-uman ug duha ka tuig, ug nanganak siya kang Enoc. 5:19 Ug si Jared sa human siya manganak kang Enoc, nakadangat ug walo ka gatus ka tuig, ug nanganak ug mga anak nga lalake ug mga anak nga babaye: 5:20 Ug ang tanan nga mga adlaw ni Jared siyam ka gatus kan-uman ug duha ka tuig: ug siya namatay. 5:21 Ug si Enoc nakadangat ug kan-uman ug lima ka tuig, ug nanganak kang Mathusalam. 5:22 Ug si Enoch naglakaw uban sa Dios sa human siya manganak kang Mathusalam sa totolo ka gatus ka tuig. ug nanganak ug mga anak nga lalake ug mga anak nga babaye: 5:23 Ug ang tanan nga mga adlaw ni Enoch totolo ka gatus kan-uman ug lima ka tuig. 5:24 Ug si Henoch naglakaw uban sa Dios: ug siya wala na; kay gikuha siya sa Dios. 5:25 Ug si Mathusalam nakadangat ug usa ka gatus kawaloan ug pito ka tuig, ug nanganak siya Lamech: 5:26 Ug si Mathusalam, sa human manganak kang Lamech, nakadangat ug pito ka gatus kawaloan ug duha tuig, ug nanganak ug mga anak nga lalake ug mga anak nga babaye: 5:27 Ug ang tanan nga mga adlaw ni Mathusalam siyam ka gatus kan-uman ug siyam ka tuig. ug siya namatay. 5:28 Ug si Lamech nakadangat ug usa ka gatus kawaloan ug duha ka tuig, ug nanganak ug usa ka anak nga lalake. 5:29 Ug gihinganlan niya ang iyang ngalan si Noe, nga nagaingon: Kini mao ang magalipay kanato mahitungod sa among buhat ug kahago sa among mga kamot, tungod sa yuta nga gitunglo ni Jehova. 5:30 Ug si Lamech sa human siya manganak kang Noe, nakadangat ug lima ka gatus kasiyaman ug lima ka tuig. ug nanganak ug mga anak nga lalake ug mga anak nga babaye: 5:31 Ug ang tanan nga mga adlaw ni Lamech pito ka gatus kapitoan ug pito ka tuig. ug siya namatay. 5:32 Ug si Noe may lima ka gatus ka tuig ang panuigon, ug si Noe nanganak kang Sem, Ham, ug si Japhet.