Ecclesiastes 11:1 ΒΆ Isalibay ang imong tinapay sa ibabaw sa tubig, kay kini hikaplagan mo sa tapus ang daghang mga adlaw. 11:2 Hatagi ug usa ka bahin ang pito, ug ingon man usab ang walo; kay ikaw wala mahibalo kon unsa ang kadautan mahitabo sa ibabaw sa yuta. 11:3 Kong ang mga panganod mapuno sa ulan, sila magabubo sa ilang kaugalingon sa ibabaw sa yuta: ug kon ang kahoy mapukan paingon sa habagatan, o paingon sa amihanan, sa dapit diin ang kahoy mapukan, didto atua usab. 11:4 Kadtong nagapaniid sa hangin dili makapugas; ug siya nga nagatagad sa ang mga panganod dili makaani. 11:5 Ingon nga ikaw wala mahibalo kong unsa ang dalan sa espiritu, ni giunsa sa mga bukog motubo sa sabakan sa iyang mabdos: bisan pa niana ikaw wala makaila sa mga buhat sa Dios nga nagbuhat sa tanan. 11:6 Sa buntag ipugas ang imong binhi, ug sa gabii ayaw pugngi ang imong kamot. kay ikaw wala mahibalo kong mouswag, kini o kana, o kon silang duha managsama nga maayo. 11:7 Sa pagkatinuod ang kahayag matam-is, ug usa ka butang nga makapahimuot alang sa mga mata tan-awa ang adlaw: 11:8 Apan kong ang usa ka tawo mabuhi sa daghan nga mga tuig, ug magakalipay siya kanilang tanan; pasagdi lang siya hinumdumi ang mga adlaw sa kangitngit; kay sila mahimong daghan. Ang tanan nga moabut mao ang kakawangan. 11:9 Pagmaya, Oh batan-ong lalaki, sa imong pagkabatan-on; ug himoa nga ang imong kasingkasing magalipay kanimo diha sa mga adlaw sa imong pagkabatan-on, ug lumakaw ka sa mga dalan sa imong kasingkasing, ug sa panan-aw sa imong mga mata: apan hibaloi, nga alang niining tanang mga butanga pagadad-on sa Dios kanimo ngadto sa paghukom. 11:10 Busa kuhaa ang kasubo gikan sa imong kasingkasing, ug ipahilayo ang dautan gikan sa imong kasingkasing unod: kay ang pagkabata ug pagkabatan-on kakawangan man.