2 Samuel 10:1 ΒΆ Ug nahitabo sa tapus niini, nga ang hari sa mga anak sa Ammon namatay, ug si Hanun nga iyang anak nga lalake naghari ilis kaniya. 10:2 Unya miingon si David: Ako magapakita ug kalolot kang Hanun ang anak nga lalake ni Naas, ingon ang iyang amahan nagpakitag kaayo kanako. Ug si David nagpadala aron sa paglipay kaniya pinaagi sa kamot sa iyang mga alagad alang sa iyang amahan. Ug ang mga sulogoon ni David ming-adto sa yuta sa mga anak sa Ammon. 10:3 Ug ang mga principe sa mga anak sa Ammon miingon kang Hanun nga ilang ginoo: Naghunahuna ka ba nga si David nagtahud sa imong amahan, nga iyang gipadala? mga maglilipay kanimo? wala ba si David nagpadala sa iyang mga alagad nganha kanimo, sa pagsusi sa ciudad, ug sa pagpaniid niini, ug sa paglumpag niini? 10:4 Busa gikuha ni Hanun ang mga sulogoon ni David, ug gikiskisan ang katunga ang ilang mga bungot, ug putla ang ilang mga saput sa taliwala, bisan ngadto sa ilang sampot, ug gipalakaw sila. 10:5 Ug sa diha nga ilang gisuginlan kini kang David, siya nagpaadto sa pagsugat kanila, tungod kay ang mga tawo atua naulaw sa hilabihan: ug ang hari miingon: Pabilin kamo didto sa Jerico hangtud sa inyong mga bungot motubo, ug unya mobalik. 10:6 Ug sa diha nga ang mga anak sa Ammon nakakita nga sila nabaho sa atubangan ni David, ang ang mga anak sa Ammon nagpadala ug nagsuhol sa mga Sirianhon sa Bethrehob, ug sa Ang mga Sirianhon sa Soba, kaluhaan ka libo nga nagtiniil, ug sa hari Maacha usa ka libo mga tawo, ug sa Ishtob napulo ug duha ka libo ka mga tawo. 10:7 Ug sa diha nga si David nakadungog niini, iyang gipadala si Joab, ug ang tanang panon sa mga gamhanan mga lalaki. 10:8 Ug ang mga anak sa Ammon minggula, ug gipahaluna ang gubat sa atubangan sa pagsulod sa ganghaan: ug ang mga Sirianhon sa Soba, ug sa Rehob, ug Si Ishtob, ug si Maacha, diha sa kapatagan. 10:9 Sa diha nga si Joab nakakita nga ang pangunahan sa gubat batok kaniya sa atubangan ug sa luyo, nagpili siya sa tanang pinili nga mga tawo sa Israel, ug gipahaluna sila batok sa mga Sirianhon: 10:10 Ug ang uban sa katawohan iyang gitugyan ngadto sa kamot ni Abisai nga iyaha igsoon, aron iyang mapahimutang sila sa pagtalay batok sa mga anak sa Ammon. 10:11 Ug siya miingon: Kong ang mga Sirianhon kusganon da alang kanako, nan tabangan mo ako kanako: apan kong ang mga anak sa Ammon labi pang kusganon alang kanimo, nan ako magabuhat umari ka ug tabangi ka. 10:12 Magmaisugon ka, ug magpakalalaki kita alang sa atong katawhan, ug alang sa mga lungsod sa atong Dios: ug buhaton ni Jehova ang daw maayo kaniya. 10:13 Ug si Joab mipaduol, ug ang katawohan nga uban kaniya, ngadto sa gubat batok sa mga Sirianhon: ug sila nangalagiw gikan sa iyang atubangan. 10:14 Ug sa diha nga ang mga anak sa Ammon nakakita nga ang mga Sirianhon nangalagiw, unya nangalagiw sila usab sa atubangan ni Abisai, ug mingsulod ngadto sa ciudad. Busa si Joab mibalik gikan sa mga anak sa Ammon, ug miadto sa Jerusalem. 10:15 Ug sa diha nga ang mga Sirianhon nakakita nga sila gidaug sa atubangan sa Israel, sila nagtigom sa ilang kaugalingon. 10:16 Ug si Hadad-ezer nagpadala ug nagpagula sa mga Sirianhon nga diha sa unahan sa suba: ug miabut sila sa Helam; ug si Sobach ang capitan sa panon sa Si Hadarezer nag-una kanila. 10:17 Ug sa diha nga kini gisugilon kang David, iyang gitigum pagtingub ang tibook Israel, ug miagi tabok sa Jordan, ug miadto sa Helam. Ug ang mga Sirianhon nagpahaluna sa ilang kaugalingon sa pagtalay batok kang David, ug nakig-away kaniya. 10:18 Ug ang mga Sirianhon nangalagiw gikan sa atubangan sa Israel; ug si David nagpatay sa pito ka mga tawo usa ka gatus ka carro sa mga Sirianhon, ug kap-atan ka libo nga mga magkakabayo, ug gipamatay Si Sobach ang capitan sa ilang panon, nga namatay didto. 10:19 Ug sa diha nga ang tanang mga hari nga mga alagad ni Hadareser nakakita nga sila gihampak sa atubangan sa Israel, sila naghimo ug pakigdait uban sa Israel, ug nanag-alagad sila. Busa ang mga Sirianhon nangahadlok sa pagtabang pag-usab sa mga anak sa Ammon.